twins

އެއްމާބަނޑު ދެކުދިންގެ ބައްޕަ ތަފާތުވެދާނެ ކަމަށް ޤަބޫލުކުރަންތަ؟

އެއްމާބަނޑު ދެކުދިންގެ އެކަމަކު ދެ ކުދިންގެ ބައްޕައަކީ ދެ މީހެއްކަން ފަޅާއަރައިފިއެވެ.

މި އާދާޔާ ހިލާފު ހާދިސާ ހިނގާފައިވަނީ އެމެރިކާގައެވެ. އަންހެނަކު ކޯޓަށް ދިޔައީ ދަރީންގެ ބައްޕަ ދަރީންނަށް ހަރަދުކުރުމަށް އަމުރެއް ނެރެދޭތޯއެވެ.

ކޯޓުން ފުރަތަމަ ބަލަން ބޭނުންވި މި ދެ އަންހެން ކުދިންނަކީ މި ފިރިހެންމީހާގެ ދަރީންތޯއެވެ. އެހެންކަމުން ޑީއެންއޭ ޓެސްޓް ހެދިއެވެ. ޓެސްޓްގެ ނަތީޖާ ވަރަށް ތަފާތެވެ. އެއްކުއްޖެއްގެ ޑީއެންއޭ އަންހެންމީހާ ދަރީންގެ ބައްޕަ ކަމަށް ބުނާ މީހާއާ ދިމާވެއެވެ. އެކަމަކު އަނެއް ކުއްޖާގެ ރިޕޯޓް ދިމަލެއް ނުވެއެވެ.

ކޯޓުގެ ފަނޑިޔާރު ސުހެއިލް މުހައްމަދު ވަނީ ޑީއެންއޭ ދިމާވި ދަރީގެ ހަރަދު ބެލެހުޓުން އެ ފިރިހެންމީހާއާ ހަވާލުކޮށްފައެވެ. ފަނޑިޔާރު ބުނެފައިވާ ގޮތުން މިއީ އަދަޔާ ހިލާފު ކަމެއް ނަމަވެސް މީގެ 2 ކޭސް ކުރިންވެސް އޭނާ ބަލާފައިވާ ކަމަށެވެ.

މިހެން ދިމާވަނީ އަންހެނަކު އެއް މެންސްޗްއަލް ސައިކަލްގައި ދެ ފިރިހެނުންނާއެކު ޖިންސީ ގުޅުން ހިނގާފިނަމައެވެ. އަންހެނާގެ ދެ ބިސް ވަކިވަކިން ދެ ފިރިހެނުންނަށް ފާޓިލައިޒް ވެގެންނެވެ.

މި ދެ ކުދިން ދުނިޔެއަށް އުފަންވެފައިވަނީ 2013 ވަނަ އަހަރުގެ ޖެނުއަރީ މަހުއެވެ.

ކޯޓުގައި އަންހެންމީހާ ބުނެފައިވަނީ ދެ ފިރިހެނުންނާއެކު ހަފުތާއެއް ތެރޭގައި ޖިންސީ ގުޅުން ހިންގި ކަމަށެވެ.

new bird found

އާދަޔާ ހިލާފު އަޑެއް ލައްވާ ދޫންޏެއް ޗައިނާއިން ފެނިއްޖެ

ދުނިޔޭގެ ދިރާސާ ކުރާ ސައިންސްވެރިންގެ ގުރޫޕަކަށް އާދަޔާ ހިލާފު އަޑެއް ލައްވާ ދޫންޏެއް ފެނިއްޖެ އެވެ.ދިރާސާކުރި ސައިންސްވެރިންގެ ތެރެއިން ސައިންސްވެރިޔަކު ބުނި ގޮތުގައި މި ދޫންޏަކީ ވަރަށް ސިއްރުވެރި އަދި ހޯދަން ވަރަށް އުނދަގޫ ބާވަތެއްގެ ދޫންޏެކެވެ.

ޝިއުޔަން ވަޝް ވާރބްލަރ އަކީ ވަރަށް ތަފާތު އަދި ތޫލި އަޑެއް ލައްވާ ދޫންޏެެވެ. މި ބާވަތުގެ ދޫނި ފެންނަނީ ބޮޑަށް ވިނަގަނޑު ބޯ ވެފައި ހުންނަ ފަރުބަދަ ސަރަހައްދު ތަކުންނެވެ.

ސައިންސްވެރިންގެ މިދިރާސާވަނީ ދުނިޔޭގެ މައްޝޫރު ޖުައާރނަލް އޭވިއޭޝަން ރިސާޗްގައި ޝާއިރު ކޮއްފައެވެ. އަދި މި ދޫނީގެ މި އާދަޔާ ޙިލާފު އަޑު ވަނީ ރިކޯޑުކުރެވި އެމް އެސް ޔޫ އޭވިއަން ވޮކަލައިޒޭޝަން ވެބްސައިޓްގައި ހިމަނާފައެވެ.

" ރޯބޯކޮޕް" ބޭނުން ކުރަނީ

ދެއަހަރު ތެރޭގައި ދުބާއީގައި "ރޯބޯކޮޕް" ބޭނުން ކުރަން ފަށަނީ

ޔުނައިޓެޑް އަރަބް އެމިރޭޓްސްގައި 2017 ވަނަ އަހަރަށް ވާން ވާއިރަށް "ފުލީ އިންޓެލިޖެންޓް" ރޮބޮޓުތައް (ރޯބޯކޮޕް) މަގުމަތި ޕެޓްރޯލް ކުރުން ފަދަ މަސައްކަތް ކުރާނެކަމަށް އެ ސިޓީގެ ސްމާޓް ޔުނިޓުގެ ހެޑު، ކާނަލް ޚާލިދު ނަސީރު އަލްރަޒޫގީ ވިދާޅުވެއްޖެ އެވެ.

އޭނާ ވިދާޅުވީ، އެ ރޮބޮޓުތައް ފުރަތަމަ ނެރޭއިރު އެ މެޝިންތައް މަސައްކަތް ކުރާނީ މީހުން ގިނައިން އުޅޭ ސަރަހައްދުތަކުގެ ތެރެއިން އާންމުކޮށް ރައްކާތެރި ސަރަހައްދުތަކުގައި ކަމަށެވެ. އޭގެ ތެރޭގައި ބޮޑެތި ޝޮޕިން މޯލް ފަދަ ތަންތަން ހިމެނޭ ކަމަށް އޭނާ ވިދާލުވިއެވެ.

"އެ ރޮބޮޓުން، އެ ސަރަހައްދުގައި އުޅޭ އާންމުންނާ ސީދާ އިންޓަރެކްޓް ކުރާނެ. މޮނިޓަރާއި މައިކްރޮފޯން ހިމެނޭ ގޮތަށް ހުންނަ އެ ރޮބޮޓުތައް މަސައްކަތް ކުރާނީ އާންމުގެ ކްރައުޑް ބޮޑެތި ސަރަަހައްދުތަކުގައި. މިސާލަކަށް ޝޮޕިން މޯލްތައް. އެތަނަކީ މީހުން ގިނަ ތަނެއް. ނަމަވެސް އެހާ ނުރައްކާތެރި ތަނެއް ނޫން،" އޭނާ ވިދާޅުވި އެވެ.

save 4 months baby

ނޭޕާލުގައި ބިމާ ހަމަވެފައިވާ އިމާރާތްތަކުގެ ތެރެއިން 4 މަހުގެ ކުއްޖެއް ސަލާމަތްކޮށްފި

މިދިޔަ ހޮނިހިރު ދުވަހު ނޭޕާލަށް އައި ބާރުގަދަ ބިންހެލުމުގައި ވެއްޓިފައިވާ އިމާރާތެއްގެ ދަށުން އުމުރުން އެންމެ 4 މަހުގެ ތުއްތު ކުއްޖަކު ދިރި ހުއްޓާ ސަލާމަތްކޮށްފިއެވެ.

ނޭޕާލުގައި ނުކުންނަ ނޫހެއްކަމަށްވާ "ކަތުމަންޑޫ ޓްޑޭ" އާ ހަވާލާދީ، ސީއެންއެން އިން ބުނީ އެ ތުއްތު ކުއްޖާ ސަލާމަތް ކުރީ ބިހެލުން އައިތާ ގާތްގަނޑަކަށް ސައުވީސް ގަޑިއިރު ވަނިކޮށްކަމަށެވެ.

އެހެންނަމަވެސް އޭގެ އެތައް ގަޑި އިރެއް ފަހުން ފުލުހުން އައިސް ބެލި ބެލުމުގައި އެކުއްޖާގެ ބާރު ރުއިމުގެ އަޑު އަންނަ ދިމާ ފާހަގަކޮށް، އެކުއްޖާ ސަލާމަތްކޮށް ގާތަކުގެ ދަށުން ނެގިއިރު ބޭރުފުށުން އެއްވެސް ގެއްލުމެއް ފެންނަށް ނެތްކަމަށާއި، އަދި "އިންޓާރނަލް އިންޖަރީ" އެއްވެސް ލިބިފައި ނެތްކަމަށް ޑޮކްޓަރުންނާއި ހަވާލަދީ "ކަތުމަންޑޫ ޓްޑޭ" ގައި ބުނެފައި ވެއެވެ.

Changing eye brows shape

ކިމް ޖޮންގ އުންގެ ބުމައަށް މިވަނީ ކިހިނެތް؟

އުތުރު ކޮރެއާގެ ލީޑަރ ކިމް ޖޮންގ އުންގެ ބުމަ "ގެއްލެމުން"ދާ ކަމަށް ފާހަގަ ކުރެވެން ފަށައިފިއެވެ.

ކިމް ޖޮންގ އުން އާއި ގުޅޭ ގޮތުން ތައްޔާރު ކުރެވިފައިވާ ހިޔާލީ ވާހަކަ އަކަށް ބިނާ ކުރެވިފައިވާ ފިލްމެއް ކަމަށްވާ "ދަ އިންޓަވިއު" ރިލީޒް ކުރުމަށް ފުރުސަތު ނުދިނުމަށް ފިލްމް ތައްޔާރު ކޮށްފައިވާ ސޮނީ ޕިކްޗާރސް ހެކް ކުރީ އުތުރު ކޮރެއާ ކަމަށް ތުހުމަތު ކުރެވިފައިވާ އިރު، ކިމް ޖޮންގ އުންގެ ގެއްލިގެންދާ ބުމަ "ހެކް" ކޮށްފައިވާ ކަމަށް މީހުން ބުނަން ފަށައިފިއެވެ.

އައިބްރޯ ޔު ސީ ދެމް ގެ ދަށުން ލިޔެފައިވާ ޚަބަރެއްގައި ދެކުނު ޗައިނާ އިން ވެސް ވަނީ މިކަމާއި ގުޅިގެން ސަމާސާ ވާހަކަތައް ދައްކައިފައެވެ.

good friend

ޚާއްސަ އެހީއަށް ބޭނުންވާ އެކުވެރިޔާ ތިން އަހަރު ވަންދެން ކޮނޑުމަތީގައި ސްކޫލަށް ގެންގޮސްދީފި

ޗައިނާގެ ހައިސްކޫލް ކުއްޖެއް އޭނާގެ އެކުވެރިޔާ ތިން އަހަރު ދުވަސް ވަންދެން ކޮނޑަށް އަރުވައިގެން ސްކޫލަށް ގެންގޮސްފިއެވެ.

އުމުރުން 18 އަހަރުގެ ޒީ ޒޫ އާއި އޭނާގެ 19 އަހަރުގެ އެކުވެރިޔާ ޒަންގ ޗީ އެންމެ ފުރަތަމަ ބައްދަލުވީ ޗައިނާގެ އުތުރުގެ އަވަށެއް ކަމަށްވާ ޖިއަންސޫގައި ހުންނަ ޑަޒޫ ހައިސްކޫލުންނެވެ. 

ޒަންގ ޗީ އަށް ޖެހިފައިވަނީ މަސްކިއުލާ ޑިސްޓްރަފީ ނުވަތަ މަސްގަނޑު ބަލިކަށިވުމުގެ ބައްޔެކެވެ. އެ ބަލި ޖެހުމުން އެމީހެއްގެ އަމިއްލަ ބަރުމިނުގައި ކޮޅަށް ހުންނަން އުނދަގޫވެ އެވެ. 

.

ބަރުދަނުގައި 75 ކިލޯ އަދި ދިގުމިނުގައި 1.73 މީޓަރު ހުންނަ ޒަންގ ޗީ އުފުއްލައިގެން ޒީ ކޮންމެ ދުވަހަކުވެސް އޭނާ ކުލާހަށް ގެންދެއެވެ.

Orange glass

އޮރެންޖް ކުލައިގެ އަވިއައިނު އަޅައިގެން ހުރުމަށްފަހު، ނިދަން އުޅުމުން އަރާމުކޮށް ނިދޭ

އޮރެންޖް ކުލައިގެ އަވިއައިނު އައިނެއް އަޅައިގެން ކުޑައިރުކޮޅަކު ހުރުމަށްފަހު، ނިދަން އުޅުމުން އަރާމުކޮށް ނިދާލެވޭ ކަމަށް ދިރާސާއަކުން ދައްކައިފިއެވެ.

އޮރެންޖް ކުލައިގެ އަވިއައިނުން ލޮލަށް އެޅޭ އަލީގެ މިންވަރު ދަށްކޮށްދޭ ކަމަށާއި، އަދި ނިދިއަންނަ މިންވަރު ވެސް އަވަސްކޮށްދޭ ކަމަށް އެ ދިރާސާގައި ބުނެފައިވެއެވެ.

ސްވިޒަލޭންޑްގައި ހެދި މި ދިރާސާގައި 13 ކުއްޖަކު ބައިވެރިކޮށްފައިވާއިރު، މި ދިރާސާގައި އޮރެންޖް ކުލައިގެ އަވިއައިނާއި، އާދައިގެ އަވިއައިނު ވަނީ ބޭނުންކޮށްފައެވެ.

އެގޮތުން މި ކުދިން އޮރެންޖް ކުލައިގެ އަވިއައިނު އަޅައިގެން ރޭގަނޑުގެ ހިނގާލުމަކަށް ފޮނުވުމުން، ނިދިއަންނަލެއް، އާދައިގެ އަވިއައިނެއް އަޅައިގެން ހިނގާލަން ދިޔުމުން ނިދި އަންނަވަރަށް ވުރެ އަވަސްކަން ފާހަގަވެފައިވެއެވެ.

Subryth ( a dancer with one leg)

އެއްފައި ބުރިވެފައިވާ ނެށުންތެރިއެއް އިންޑިޔާގައި މަޝްހޫރުކަން ހޯދައިފި

އުމުރުން 21 އަހަރުގައި ހިނގި އެކްސިޑެންޓެއްގައި ފައި ބުރިކޮށްލާފައިވާ ސުބްރީތު ކައުރު ގުއްމަން، އިންޑިޔާގައި އާއްމުކޮށް ހުޅުވާލެވިގެން ބާއްވާ "އިންޑިއާސް ގޮޓް ޓެލެންޓް" ޝޯ ގައި އޭނާގެ ނެށުމުގެ ހުނަރު ދައްކާލައި، ދެވަނަ ހޯދުމަށްފަހު ދުނިޔޭގެ ސަމާލުކަން އަތުލައިގަނެފިއެވެ.

އޭނާގެ ފައި ބުރިވުމުގެ ކުރިން ނަރުސްކަން ކުރަމުން އައި ސުބްރީތު "އިންޑިއާސް ގޮޓް ޓެލެންޓް" ގައި ދެވަނަ ހޯދުމަށްފަހު މިހާރު އަންނަނީ ދުނިޔޭގެ އެކި ކަންކޮޅުތަކަށް ދަތުރުކޮށް އޭނާގެ ހުނަރު ދައްކާލަމުންނެވެ.

naseyhatheh

ފެންތަށި އެއް ނޭވާއިން ހުސްކޮށްނުލާށެވެ. އަދި ފެންބޯ ތައްޓަށް ނޭވާނުލާށެވެ

އަހަރެމެންގެ ދީން އަބަދުވެސް ބާރުއަޅަނީ ކޮންމެ ކަމެއް ކުރުމުގައިވެސް އަވަސްއަރައިގަތުމުގެ ބަދަލުގައި މަޑުމައިތިރިކަމާއެކު ހަމަޖެހިގެން ކަންތައްތައް ކުރުމަށެވެ. އެހެންވީމާ ފެންބުއިމުގައިވެސް ރީތި އާދައަކީ އެއް ނޭވާއިން ފެންތަށި ހުސްކޮށްލުމުގެ ބަދަލުގައި ތިން ކޯވަރަށް ބަހަލައިގެން ހަމަޖެހިގެން ފެންތަށި ބޯލުމެވެ. އަދި ފެންބޯއިރު ފެންބޯ ތައްޓަށް ނޭވާލުމީ ވެސް އެދެވިގެންވާ ކަމެއް ނޫނެވެ. އަހަރެމެންގެ ލޮބުވެތި ރަސޫލު ﷲ ޞައްލަﷲ ޢަލައިހިވަސައްލަމް ޙަދީޘްކުރައްވާފައިވެއެވެ.

 "ޖަމަލު ފެންބޮއި އުޅޭ ފަދައިން އެއްފަހަރުން ތިޔަބައިމީހުން އެއްޗެތި ބޮއި ނޫޅޭށެވެ. އެއާ ޚިލާފަށް ތިޔަބައިމީހުން ދެފަހަރުން ނުވަތަ ތިން ފަހަރުމަތީން ބޮއިއުޅޭށެވެ. އަދި ތިޔަބައިމީހުން އެއްޗެއް ބޮނީ ކަމުގައިވަނީ ނަމަ ބިސްމި ކިޔާށެވެ. އަދި ބޮއި ނިމިއްޖެ ކަމުގައި ވަނީ ނަމަ (الْحَمْدُ لِلَّهِ ކިޔައި) ﷲ އަށް ޙަމްދުކުރާށެވެ."

chosen first mosquito killer

އެންމެ ގިނަ މަދިރި މަރާ މީހަކަށް އިނާމެއް

ޓައިވާނުގެ ދެކުނުގައި އޮންނަ ސިޓީއެއް ކަމަށްވާ ކައޯސިއަންގްގައި އެންމެ ގިނަ މަދިރި މަރާ މީހަކަށް އިނާމުދޭ ގޮތަށް މުބާރާތެއް ފަށައިފި އެވެ

ބީބީސީ އިން  ބުނި ގޮތުގައި ކައޯސިއަންގްގައި މަދިރި މަރާ މުބާރާތެއް ފެށީ އެ ސިޓީގައި ފެތުރެމުން އަންނަ މަދިރިން ޖެހޭ ނުރައްކާތެރި ބައްޔެއް ކަމަށްވާ ޑެންގީ ހުން ނައްތާލުމަށް ކަަމަށެވެ. އެންމެ ގިނަ މަދިރި މަރާ މީހަކަށް 100 ޑޮލަރުގެ އިނާމެއް ލިބޭ އެ މުބާރާތަކީ ކައޯސިއަންގް ސިޓީގެ ސިއްހީ ކަންކަމާ ބެހޭ ޑިޕާޓްމަންޓުން ކުރިއަށް ގެންދާ މުބާރާތެއް ކަމަށް ވެސް އެ ނޫހުގައި ބުނެފައިވެ އެވެ

gingerbread house

އިނގުރުޕާން ގެއެއް ހަދައިގެން ވޯލްޑް ރެކޯޑު ފޮތުން ޖާގަ ހޯދައިފި

އެމެރިކާގެ ޓެކްސެސް ގައި ބޮޑު ޖިންޖަރބްރެޑް ގެއެއް (އިނގުރުޕާން ގެއެއް) ހަދައިގެން ޓްރެޑިޝަނަލް ކްލަބް ކިޔާ ކުންފުންޏެއް ވޯލް ރެކޯޑު ފޮތުން ޖާގަ ހޯދައިފި އެވެ. 

ޓެކްސެސްގެ ބްރިޔަން ގައި ހަދާފައިވާ މި ގޭގެ ބޮޑު މިނުގައި 2520 އަކަފޫޓް އަދި އުސް މިނުގައި 21 ފޫޓު ހުރެއެވެ. ލަފާކުރެވޭ ގޮތުގައި މި ގޭގައި 35.8 މިލިއަން ކެލަރީސް ހުންނާނެ އެވެ. 

freedom ship

ފްރީޑަމް ޝިޕް: މޫދުގައި އޮންނަ ފުރަތަމަ ސިޓީ

 އަޖައިބު ކުރުވަނިވި ފްރީޑަމް ޝިޕް ނުވަތަ "ޕްލޯޓިން ސިޓީ" އަކީ 50000 މީހުންގެ ޖާގައިގެ ބޯޓެކެވެ. މި ބޯޓު ބަނުމަށް 10 ބިލިޔަން ޑޮލަރު ޚަރަދު ވާނެ އެވެ.

ދުނިޔޭގައި މިހާތަނަށް ބަންނަ އެންމެ ބޮޑު ބޯޓަށް ފްރީޑަމް ޝިޕް ވެގެންދާ އިރު، އެ ބޯޓުގައި އެއަރޕޯޓަކާއި ޝޮޕިން ކޮމްޕްލެކްސް ތަކާއި އަދި ބޮޑު ބަނދަރެއް ހިމެނޭނެ އެވެ. ބޯޓު ފަރުމާކޮށްފައި ވަނީ 50000 މީހުންނަށް ދަތިކަމެއް ނެތި ދިރިއުޅެވޭނޭ ގޮތަށެވެ. އެއީ އެ މީހުންގެ އަމިއްލަ ސިޓީ އެވެ.

ފްރީޑަމް ޝިޕް ގެ ދިގުމިނުގައި މޭލެއް ހުންނައިރު މި ބޯޓު ގައި 25 ފަންގިފިލާ ހުންނާނެއެވެ. ބޯޓުގެ ބިޔަ ކަމުން މި ބޯޓަށް އެއްވެސް ބަނދަރަކަށް ނުވެއް ވަދެވޭނެ އެވެ.

މި ބޯޓުން ލިބޭ އިތުރު ހިދުމަތް ތަކުގެ ތެރޭގައި، ސްކޫލް، ހޮސްޕިޓަލް، ވިޔަފާރިތައް، ޕާރކްތައް، ރެސްޓޯރަންޓް ތަކާއި އަދި އެކުއޭރިއަމް ތައް ހިމެނެއެވެ. މީގެ އިތުރުން 30000 މީހުންނަށް ފުދޭ މިންވަރަށް ދުވަހު ކޮޓަރި އާއި، 20000 ފަޅުވެރީންނަށް ބޭނުންވާ ކޮޓަރި އާއި 10000 އޯވަރ-ނައިޓް ގެސްޓުންގެ ކޮޓަރި މި ބޯޓުގައި ހުންނާނެއެވެ.

save a fisherman

ވަދާ ނުކުމެ އުޅުނު ދޯންޏެއް ބަންޑުން ޖަހާލައި ކަނޑުވި މީހަކު ސަލާމަތްކޮށްފި

ފުލުހުންގެ މީޑިއާ އޮފިޝަލަކު މިރޭ ވިދާޅުވީ ރިޔަލު ދޯންޏެއްގައި އެކަނި ވަދާ ނުކުމެ އުޅެނިކޮށް، ދޯނި ބަންޑުން ޖަހާލައި ކަނޑުވީ ހަނިމާދޫ، ހަނިމާދޫގޭ، އަބްދުﷲ ނައީމް، 56، ކަމަށެވެ. ފުލުހުންނަށް އޭނާ ފެނުނީ ބަންޑުން ޖަހާލި ދޯނި މަތީގައި އިންދަ އެވެ.

އާދަޔާ ހިލާފަށް ފަލަ ވުމުގެ މައްސަލަ ކުރިމަތިވެފައިވާ ތިން ކުދިން

ތިން ދަރިންގެ ފުރާނަ ސަލާމަތް ކުރުމަށް ބައްޕަގެ ކިޑްނީ ވިއްކާލަނީ

އިންޑިއާގެ ގުޖުރާތަށް ނިސްބަތްވާ ރަމޭޝްބާއި ނަންޑުވަނާ 34، ގެ އެންމެބޮޑު ކަންބޮޑުވުމަކީ އާދަޔާ ހިލާފަށް ބޮޑަށް ފަލަވެފައިވާ ތިން ކުދިންގެ ބަރުދަން އިންތިހާއަށް ދިއުމުގެ ސަބަބުން އެކުދިން މަރުވެދާނެ ކަމުގެ ބިރެވެ.

އެގޮތުން އުމުރުން ފަސް އަހަރުގެ އަންހެން ދަރިފުޅު ޔޮގިތާ ރަމޭޝްބާއި ނަންޑުވަނާގެ ބަރުދަނުގައި 34 ކިލޯ ހުރިއިރު، ތިން އަހަރުގެ އަނިޝާގެ ބަރުދަނުގައި 48 ކިލޯ އެބަހުއްޓެވެ. އަދި 18 މަހުގެ ހާޝްގެ ބަރުދަނުގައި 15 ކިލޯ އެބަހުއްޓެވެ.

family got five babies

އެމެރިކާގައި ފުރަތަމަ ފަހަރަށް އެއްމާބަނޑު ފަސް ކުދިން އުފަންވެއްޖެ

ޓެކްސަސްގެ ހޮސްޕިޓަލެއްގައި އުފަންވެފައި ވަނީ އެއްމާބަނޑު ފަސް އަންހެން ކުދިންނެވެ.
ފަސް ކުދިން ވިހެއީ ސިޒޭރިއަން ހަދައިގެން ކަމަށް އަންހެން މީހާގެ އޮޕަރޭޝަން ކުރި ޓެކްސަސްގެ އަންހެނުން ހޮސްޕިޓަލް އާއި ހަވާލާދީ މީޑިއާ ރިޕޯޓްތައް ބުނެއެވެ.
މިކުދިން އުފަންވެފައި ވަނީ މިމަހުގެ 8 ވަނަ ދުވަހުއެވެ. ކުދިންގެ މަންމަ ޑަނިއެލީ ބަސްބީގެ އޮޕަރޭޝަންގައި ފަސް ކުދިން ނަގާފައި ވަނީ ހަތަރު މިނެޓުން ކަމަށް ޑޮކްޓަރުން ބުނެއެވެ.

mugabe

މުގާބޭއަށް ލަދުވެތި ފޮޓޯއާ ކުރިމަތިލައްވަން ޖެހިވަޑައިގެންފި

މި ފޮޓޯއިން ފެންނަނީ އެފްރިކާގެ ވަރުގަދަ ލީޑަރު މުގާބޭ ވިގެއް ޖައްސަވާ ކަންފަތްޕުޅުގައި މުދި ތުރުކުރައްވައިގެން ހުންނަވަނިކޮށްނެވެ. މިއީ ހަދާފައިވާ ފޮޓޯއެއް ނޫނެވެ. މި ގޮތައް މުގާބޭ މި ފޮޓޯއިން ސިފަ ކުރެވިގެންދަނީ ކެމެރާމަން ފޮޓޯއަށް ކުލިކް ކޮށްލި ވަގުތު މުގާބޭގެ ފަހަތްޕުޅުގައި ރަނގަޅު ޕޮސިޝަންގައި ހުރި އަންހެނެއްގެ ސަބަބުންނެވެ.

baby

    މަރުވި ފިރިހެނެއްގެ ދަރިފަނި ބޭނުންކޮށްގެން ކުއްޖަކު އުފަން ކުރުވައި

މަރުވި ފިރިހެނެއްގެ ދަރިފަނި ނަގައި އެފިރިހެން މީހާ މަރުވި އިރު ކައިވެނި ކޮށްގެން އުޅުނު އަންހެނ މީހާގެ ހަށިގަނޑަށް ދަރިފަނި ވާސިލްކޮށް އެއަންހެން މީހާ މާބަނޑުވެ ސިއްހަތު ރަނގަޅު ފިރިހެން ކުއްޖަކު ވިހައިފި އެވެ.

މަރުވި ފިރިހެން މީހާގެ ދަރިފަނި ނަގާފައި ވަނީ އޭނާ މަރުވިތާ 48 ގަޑިއިރު ފަހުން އޮސްޓްރޭލިއާގެ ސްޕްރީމް ކޯޓުގެ ހުއްދަ ލިބިގެންނެވެ.

ސައިކަލް އެކްސިޑެންޓެއްގައި މަރުވި ފިރިހެން މީހާގެ ހަށިގަނޑުން ދަރިފަނި ނެގުމުގެ ހުއްދަ ފުރަތަމަ ޤާނޫނީ ގޮތުން ޑޮކްޓަރުންނަށް ލިބިފައި ނުވާތީ އަންހެން މީހާ އެމައްސަލަ ސްޕްރީމް ކޯޓަށް ވައްދާ ކާމިޔާބު ކުރިއެވެ.

މިއީ މަރުވި މީހެއްގެ ގައިން ދަރިފަނި ނަގައިގެން އެދަރިފަނި ބޭނުންކޮށް ކުއްޖަކު އުފަންކުރި ފުރަތަމަ ފަހަރެވެ. ނަމަވެސް މީގެ ކުރިން ވެސް މަރުވިތާ 18 ގަޑިއިރު ފަހުން މީހުންގެ ހަށިގަނޑުން ދަރިފަނި ނަގާފައި ވެއެވެ.

mother

karuna free

ޖަޕާނު ކުންފުންޏަކުން ‘ކަރުނަ-ފްރީ ފިޔާ’

ފިޔާކޮށަމުން ރޮއެ، ކަރުނަ އެޅި ދުވަސްތައް މާޒީގެ ތެރެއަށް ދޫކޮށްލަންވީ ވަގުތު އައިސް ޖެހުނީއެވެ. ޖަޕާނުގެ ކުންފުންޏަކުން މިވަނީ ‘ކަރުނަ-ފްރީ ފިޔާ’ އުފައްދާފައެވެ.

މި ފިޔާ އުފެއްދި ކުންފުނީގެ ސައިންޓިސްޓުން ބުނީ، ފިޔާ ކޮށަމުންދާއިރު، ބާރުގަދަ އާތްވެއް ފިޔައިން ނެރޭ ސަބްސްޓޭންސް އުފެދުން ހުއްޓުވިފައި ވާކަމަށާއި، އޭގެ ސަބަބުން ފިޔާ ކޮށުމުގައި ‘ކަރުނަ އެޅުން’ ހުއްޓުވައިދޭނެ ކަމަށެވެ.

މި ފިޔާ އުފެއްދި ހައުސް ފުޑްސް ގްރޫޕުގެ ތަރުޖަމާނަކު ބުނީ، މި އުފެއްދުން ވިޔަފާރީގެ ބޭނުމަށް އުފެއްދުމާއި މެދު އަދި ގޮތެއް ނިންމާފައި ނުވާކަމަށެވެ.

ފިޔައިން މީހުން ރޮއްވާ މާއްދާ ހޯދުމާއި ގުޅިގެން ހައުސް ފުޑްސް ގްރޫޕުގެ ސައިންޓިސްޓުންނަށް ވަނީ އައިޖީ ނޯބެލް ޕްރައިޒް (މަޖާ ކަމަށް ޤަބޫލުކުރެވޭ މޮޅެތި ހޯދުންތަކާއި، އުފެއްދުންތަކަށް ދޭ އެވޯޑެއް) ލިބިފައެވެ.

ގަރުނުގެ އެންމެ ކުރު ހަނދު ކޭތަ